A dä Nordhäng uber em Ürnerbodä liit diä chlii Alp Sali. Si ziäht si hi underhalb vu dä Jegerschteck, wo mit irnä schtotzigä Wändä dr nerdlich Abschluss vum Ürnerbodä bildet.
I d Alp uf 1700 Meter uber Meer chunnt mä z Füäss. Isch mä de dobä, erläbt mä det i derä Äineedi ussä äs äinzigartigs Paradiis.
Dr Älpler produziärt im Verläüf vum Summer rund 600 bis 700 Kilo Alpchääs.
«Das Sali-Guschi sell vor Zitä ä Püür bees erchlipft ha. Vu witem häig är gmäint, äs sig sii Fräüw, wo är de aber dem Guschi i d Neechi cho sig, sig das uf äinisch wiä vu Gäischterhand verschwundä gsi.»
Ürner Sagäwält